Túrkistan oblysynda ótken jyly ónerkásip óniminiń kólemi – 453,8 mlrd. teńgeni qurady. Búgin bul týraly Túrkistan oblysy О́ńirlik kommýnıkasııalar qyzmetinde ótken baspasóz máslıhatynda Ekonomıka jáne bıýdjettik josparlaý basqarmasynyń basshysy Arman Sábıtov málimdedi. Bul týraly Túrkistan oblysy ákiminiń baspasóz qyzmeti habarlady.
«О́ńirdegi óńdeý ónerkásibi óniminiń kólemi – 236,9 mlrd.teńgeni qurap, ósim – 100,7 paıyzǵa jetti. Aýyl sharýashylyǵynyń jalpy ónim kólemi – 544,3 mlrd. teńgeni qurap, 2017 jylmen salystyrǵanda 5,3 paıyzǵa artqan. Atap aıtqanda, mal sharýashylyǵynda et óndirisi – 4,8 %, sút – 2,8 %, jumyrtqa – 8,1 paıyzǵa artty», – dedi Arman Sábıtuly.
Sonymen qatar, Túrkistan oblysynda 288,1 mlrd. teńge ınvestısııa baǵyttalyp, ósim kórsetkishi – 101,2 %. Budan ózge, qurylys jumystarynyń jalpy kólemi – 139,1 mlrd. teńgeni qurady. Sondaı-aq, paıdalanýǵa berilgen turǵyn úıdiń jalpy alańy – 387,8 myń sharshy metrge jetip, 2017 jylǵa qaraǵanda 21,7 paıyzǵa artqan. Tıisinshe, bul salada oblystyń Respýblıkadaǵy úlesi 3,1 paıyzǵa jetip, 3-oryndy ıelenip otyr.
Oblys boıynsha bıýdjettiń jalpy kólemi – 562,1 mlrd. teńge. Onyń ishinde damý bıýdjeti – 80,8 mlrd. teńge bolsa, al, jergilikti bıýdjetke túsken salyqtar men basqa túsimderdiń kólemi – 100,9 mlrd. teńge.
Búgingi tańda oblystyń respýblıkalyq bıýdjetke táýeldiligin tómendetý maqsatynda jumystar júrgizilýde. О́tken jyly bıýdjettiń jalpy kóleminde ózindik kiristerdiń úlesi 17,1 paıyzǵa artyp, 7 mlrd. teńgege ósti. Bıýdjettiń shyǵystar bóliginde aǵymdaǵy shyǵyndar 467,7 mlrd. teńgeni qurasa, al damý bıýdjetiniń shyǵyndary 94 mlrd. teńgege jetti. Bıýdjet kóleminde áleýmettik salaǵa baǵyttalǵan shyǵystar 341,2 mlrd. teńgeni qurap, úlesi – 60,7 paıyz.